Dunor iti ulo ken nadumaduma a paset iti bagi ti sinagrap ti maysa a drayber iti pannakatukbob ti minanehona a motorsiklo iti kotse iti national highway ti Barangay Barbarit, Magsingal, Ilocos Sur.
Karaman iti aksidente ti maysa a kotse a minaneho ti agtawen iti limapulo ket uppat, taga-Barangay Camindoroan, San Juan.
Ti met nagmaneho iti motorsiklo ket agtawen iti duapulo ket uppat, taga-Barangay Bonifacio, Cabugao.
Agpada nga agpapa-amianan dagiti lugan ket idi magtengda ti nakapasamakn ti aksidente, nagpreno ti kotse gapu ta nagsardeng ti sarsarunwenna a lugan.
Gapu dayta, saan met a nakapreno ti motorsiklo a napaspas ti patarayna ket natukbobna ti kotse.
Naipaagas iti ospital ti drayber ti motorsiklo ket natakuatan a nakainom idi mapasamak ti aksidente.
