--Ads--
Nadunor ti saka ti maysa a drayber ti motorsiklo gapu iti pannakadungparna iti dua a kalding iti national highway ti Barangay Baclig, Cabugao, Ilocos Sur.
Nabigbig ti drayber iti Honda Click a motorsiklo a ni Adela Abenojar Galutan, agtawen iti uppat a pulo ket uppat, taga-Barangay Patac, Galimuyod.
Agpapaabagatan ti motorsiklo idin ta nadungparna dagiti kalding a bigla a bimmallasiw iti kalsada.
Gapu dayta, nadunor ti drayber ket naipaagas iti Suero Hospital para iti naan-anay a pannakatamingna.
-- ADVERTISEMENT --
Dagiti kalding ket kuku ani Merelyn Sajor Fernandez, agtawen iti innem a pulo ken ni Rene Boy Gutierez Rosario, agtawen iti tallopulo ket maysa, agpada a taga-Barangay Rizal, Cabugao.
