--Ads--
Nadunor ti drayber ti motorsiklo ken ti nadungparna a lalaki iti national highway ti Barangay Maynganay Norte, Sta. Maria, Ilocos Sur.
Nabigbig ti nagmaneho iti Rusi Macho a motorsiklo a ni Junwil Balingoay Del Rosario, agtawen iti duapulo ket lima, taga-Barangay Banoen, Quirino.
Ti met pedestrian ket ni Elmor Tamayo Limon, agtawen iti uppat a pulo ket walo, taga-Barangay Maynganay Norte, Sta. Maria.
Agpapa-abagatan ti motorsiklo idin ta nadungparna ti pedestrian nga adda iti laud a paset ti kalsada.
-- ADVERTISEMENT --
Naipaagas iti ospital dagiti dua a karaman iti aksidente para iti naan-anay a pannakatamingda.
Nakainom ti drayber ken ti nadungpar idi napasamak ti aksidente.
