Maysa a drayber ti nadunor iti aksidente a nakairamanan dagiti tallo a lugan iti national highway idiay Barangay 5, Bantay, Ilocos Sur.
Ti Mitsubishi Montero SUV ket minaneho ti maysa a babai a doctor, agtawen iti uppat a pulo ket siam, taga-Bantay.
Ti Yamaha Fino scooter ket minaneho ti agtawen-iti-duapulo ket innem a lalaki a taga-Bayubay Norte, San Vicente.
Kabayatanna, ti met 18-wheeler trailer truck ket minaneho ti maysa a lalaki nga agtawen iti tallopulo ket uppat, taga-San Fernando, Pampanga.
Iti pannaki-uman ti Bombo Radyo Vigan ken ni Police Captain Donaldson Pagalanan, agpapalaud ti SUV ken ti sumarsaruno kenkuana a scooter ket idi magtengda ti nakapasamakan ti aksidente kangrunaan iti intersection, nagmenor dagitoy a lugan gapu iti trapiko ngem tinukbob ida ti trak nga agdaldalyasat iti likudanda.
Mapapati a naawanan iti preno ti drayber ti trak isu nga naaradona ti motorsiklo.
Naipaagas iti ospital ti drayber ti motorsiklo gapu iti dunor a nasagrapna.
