Dead on arrival ti drayber ti motorsiklo a SYM 110 gapu iti napasamak nga aksidente idiay Barangay Road, Brgy. Jardin, Tagudin, Ilocos Sur.
Nabigbig ti nagmaneho a ni Clifford Lemi Quijano, agtawen iti uppat a pulo, awan ti Driver’s license na, ken residente ti Brgy. Las-ud, Tagudin, Ilocos Sur.
Agturong iti daya a direksiyon ti nasao a motorsiklo, ket idi nagtengna iti nakapasamakan ti aksidente, kangrunaan iti kurbada a paset ti kalsada, sinakup na iti bangir a linya ket nadungparna ti kongkreto nga alad ti maysa a residential house.
Gapu dayta, nagsagrap iti dunor ti ulo ti driver ken naipan iti Ilocos Sur District Hospital, Bio, Tagudin, Ilocos Sur, para iti pannakataming na ngem naideklara a dead on arrival.
Kabayatanna, mapapati a nakainum ti arak drayber ken saan a nakasuot iti helmet.
