Nagkalubbon iti motorsiklo, nadunor gapu iti pannakatukbobda iti kotse

Nadunor dagiti nagkalubbon iti pannakatukbob ti motorsiklo iti kotse iti national highway ti Barangay Pandayan, San Juan, Ilocos Sur.

Ti kotse ket minaneho ti lalaki nga agtawen iti tallopulo, taga-Barangay Nagsupotan, San Juan.

Ti met motorsiklo ket minaneho ti lalaki nga agtawen iti duapulo ket dua, kinalubbonna ti menor de edad nga agpada a taga-Barangay Lapting, San Juan.

Agpapa-abagatan dagiti dua a lugan idin ta natukbob ti motorsiklo ti kotse.

Nadunor ti muging ken bibig ti drayber ti motorsiklo idinto a nagasgasan ti backrider.

Saan met a naan-ano dagiti naglugan iti kotse.