Dead on arrival ti maysa a drayber iti panagdinnungpar ti motorsiklo ken kurong-kurong iti nagbeddengan ti Barangay San Nicolas-San Agustin, Candon City, Ilocos Sur.
Ti nagmaneho iti Bajaj 125 motorcycle ket agtawen iti duapulo, agnaed iti Barangay San Agustin, maysa a construction worker.
Ti met nagmaneho iti kurong-kurong ket agtawen iti limapulo ket pito, agnaed iti Barangau Tamurong Primero.
Agpapalaud ti motorsiklo, idinto nga adda iti bangir a linya ti kurong-kurong idin ta nagdinnungparda iti tengnga ti kalsada.
Iti pannaki-uman ti Bombo Radyo Vigan ken ni PLT. Jovelyn Antalan, nagsagaba iti nakaro a dunor iti ulo ti drayber ti motorsiklo a saan a nakasuot iti helmet isu a naitaray iti ospital ngem naideklarar a dead on arrival.
Ti met nagmaneho iti kurong-kurong ket nagsagaba iti dunor iti saka a matamtaming met iti ospital.
Nakainom dagiti dua a drayber idi mapasamak ti aksidente.
