Nakitinnulong ti Department of Public Works and Highways (DPWH) iti Philippine Space Agency (PhilSA) tapno papigsaen ti panangkita iti infrastructure projects iti pagilian babaen iti panagaramay iti satellite technology.
Pinirmaan ni Highways Secretary Vince Dizon ken PhilSA officer-in-charge Gay Jane Perez ti memorandum of agreement (MOA) a mangted dalan iti DPWH a maka-access iti satellite imagery ken dadduma pay nga space-enabled a teknolohia tapno kitaen ken paneknekan iti proyekto.
Iti salinong ti panagtitinnulong, ti PhilSA ket mangted ti technical support ken satellite images a maaramat iti DPWH tapno ma-validate ken ma-track ti progreso iti agdama a proyektoda.
Segun ken ni Dizon, ti addang ket pakairamanan ti reporma ti DWPH iti baet ti mapapati nga anomaly iti flood control projects.
