--Ads--
Imbutaktak ni dati a Department of Public Works and Highways engineer Henry Alcantara nga umabot iti P800 milion ti kadakkelan a cash delivery-na ken ni dati nga Ako Bicol partylist Rep Zaldy Co mainaig iti isyu dagiti flood control project.
Iti panagdengngeg ti Sandiganbayan, kinunana a nangrugi ti koneksionda ken ni Co idi 2021 baben ken ni DPWH Usec Roberto Bernardo, ken dimmalan dagiti transaksion iti aide ni Paul Estrada.
Adda gundaway ti cash delivery iti maysa a hotel idiay Bonifacio Global City idi 2022, a nagsarakanda ken ni Co, ken adda pay sabali a delivery iti maysa a pagdagdagusanna iti Ladybug Street idiay Valle Verde, Pasig.
