Opisyalen a nagbalin a maika-uppat a pulo ket pito a presidente iti Amerika ni US President Donald Trump bayat iti maikadua nga inaugural address-na a nagkunaanna a mangrugi itan iti golden age iti Amerika.
Iti inauguration ceremony ni Trump ket inatendaran dagiti miembro iti Kongreso, Supreme Court justices, Trump family, miembro dagiti gabinete ken tech chief excutive officers a napasamak iti uneg ti Capitol Rotunda nga umuna a gundaway kalpasan iti uppat a pulo a tawen.
Segun ken ni Trump, mangrugi ita nga aldaw ket napnoanton ken mairespeto manen iti Amerika iti intero a lubong.
Innayonna a maapalanto iti pagilianda ta saanda nga ipaluos a magundawayanda iti aniaman a tignay.
VIDEO – US PRESIDENT DONALD TRUMP
Ingkari pay ti presidente nga agbalinton a nasaysayaat, natibtibker ken adayo nga exceptional ngem idi kallabes iti panagsublina iti opisina.
Natalek pay a ti panagbalinna manen a presidente ket isu iti rugi ti baro a paset iti balligi iti pagilianda.
VIDEO – US PRESIDENT DONALD TRUMP
