Maibilang a gagangay nga aldaw ti trabaho no panggep iti sueldo ken benepisio ti panangrambak iti anibersaryo ti EDSA People Power Revolution.
Iti nairuar a Labor Advisory No 1 Series of 2026 ti Department of Labor and Employment (DOLE), naidatag ti husto a panagpasueldo para iti Pebrero 25, 2026 a naideklarar kas Special Working Day kas mayataday iti Proclamation No 1006.
Segun iti DOLE, maipatungpal ti prinsipio ti “no work, no pay” kadagiti empleado a saan a sumrek, malaksid laeng no adda agpampannuray a nasaysayaat a pagannurotan wenno collective bargaining agreement a mangted bayad uray special day.
Para met kadagiti sumrek iti trabaho, awatenda ti 100 percent iti sueldoda para iti umuna nga oras ti trabaho.
Kabayatanna, para iti trabaho a nalablabes ngem iti walo nga oras, nasken a bayadan ti employer ti nayon a 15 percent ti hourly rate ti empleado iti nasao nga aldaw.
