--Ads--
Agtalinaed latta a nakabalud ni dati a Negros Oriental Rep. Arnie Teves Jr uray no naabsuelton iti kaso a pammapatay ken ni Michael Dungog, dati a Negros Oriental provincial board member idi 2019.
Segun iti Department of Justice, saan a mabalin a wayawayaan ni Teves ta adda pay sabali a kaso a kriminal a sangsangwenna.
Karaman kadagiti kaso ti murder kadagiti korte iti Manila ken ti panangpapatay ken ni dati a Governor Roel Degamo.
Sangwen pay ti dati a kongresista ti kaso a pammapatay iti bodyguard ti mayoralty candidate Lester Bato ken ti mapapati a hitman ti dati a kongresista a ni Pacito Libron idi 2019.
-- ADVERTISEMENT --
