Aminado ti Department of Justice (DOJ) a saanda pay a naipila dagiti kaso kontra ken ni Charlie Atong Ang ken dadduma pay iti korte maipanggep iti pannakapukaw dagiti mannadi.
Segun ken ni Prosecutor General Richard Anthony Fadullon, planoda pay laeng nga ipila ti kaso kalpasan iti pannakaruar ti resolusyon.
Manarimaan iti pannakapinal wenno pannakasimpa dagiti impormasyon ken dokumento sakbay iti pormal a pannakaipila dagiti kaso iti mayannatup a korte.
Posible a maipatungpal inton sumaruno a lawas ken maipila kadagiti agsisina a korte idiay Batangas, Laguna ken Parañaque.
Ngem kinunana a kiddawenda iti Office of the Court Administrator tapno mapagkaykaysa wenno ti consolidation dagiti kaso.
Manamnama nga inton sumaruno a pannakaipila iti kaso ket iruar met ti korte iti uneg iti sangapulo nga aldaw ti warrant of arrest kontra kadagiti respondents iti kaso.
