Nagtitinnulong ti Department of Justice, Presidential Communications Office, ken Department of Information and Communications Technology tapno irusat ti ‘Oplan Kontra Fake News’.
Iti naisayangkat a programa, aggigiddan a pinermaan dagiti secretary ti nadakamat nga ahensia ti maysa a katulagan tapno itandudo ti koordinasion iti nagbaetan dagiti ahensia.
Personal nga immatendar da Justice Sec. Fredderick Vida, Information and Communications Technology Sec. Henry Rhoel Aguda, ken Sec. Dave Gomez ti Presidential Communications Office iti nadakamat a programa.
Pinasingkedan ni Justice Secretary Vida a ti agtultuloy a panagiwaras ti madi nga impormasion ket masapul a sangoenna ti dusa ken saan a mabaybay-an.
Mamati ni Vida a mangitunda ti ‘fake news’ iti pannakadadael ti talek ti publiko, riri iti tengnga ti krisis, ken division wenno panagsisina.
