--Ads--
Dumawat ti Department of Justice (DOJ) ti “Blue Notice” iti Interpol tapno makaala iti impormasion no sadino iti ayan ni Ako Bicol Partylist Representative Zaldy Co.
Pinasingkedan ni Communications Undersecretary Claire Castro nga detuy iti aramiden ti DOJ kalpasan a mairaman ni Co iti kontrobersiya dagiti maanomalya a flood control projects ken budget insertions.
Ti Blue Notice alerts ket makiddaw iti international police organization tapno matunton no sadino ti ayan ni Co a sumangsango iti criminal investigation.
Maipalagip nga immuna a pinasingkedan ti kampo ni Co nga adda isuna iti US tapno agpa-agas ngem innikkan ni Speaker Bojie Dy iti aginggana Lunes nga agawid tapno sungbatan dagiti alegasion kontra kenkuana. – Reynand Fontejon
-- ADVERTISEMENT --
