--Ads--
Tinutukan ti Department of Health ti salun-at dagiti mangisursuro ken school department babaen iti panangisayangkatda iti libre a check up ken medical services kagiddan ti panagsagana para iti Brigada Eskwela.
Impasigurado ti DOH nga agtultuloy dagiti serbisyo para kadagiti agad-adal inton umay a bulan tapno masuportaran ti salun-atda.
Ita a serrek, kayat ti DOH a maipangruna ti salun-at kadagiti pagadalan tapno agtalinaed a nasayaat ti kasasaad dagiti ubbing.
Maisurot iti Universal Health Care Law ti panangsuporta ti ahensia kadagiti pagadalan a mangbigbigbig kadagiti pagadalan kas napateg a lugar tapno maital-o ti salun-at dagiti ubbing ken dagiti mangisursuro.
-- ADVERTISEMENT --
