Inlawlawag ti Department of Health (DOH) nga awan pay iti nairekord a kaso ti NB.1.8.1 wenno nimbus variant iti Covid-19 iti pagilian.
Segun ken ni Health Secretary Ted Herbosa, uray saan pay a nakastrek iti pagilian ket nainget a bantayan ti DOH ti nasao a variant.
Segun ken ni Herbosa, adda dagiti pakammo a panagpangato kadagiti baro a kaso ti covid-19 kadagiti kaasideg a pagilian iti Southeast Asia a mapapati a gapu ti nasao a variant ken panagadu dagiti influenza-like illnesses iti pagilian ita a panagtutudo.
Iningetan ti ahensya ti surveillance babaen ti genome sequencing kadagiti sample tapno maammoan nu adda presensya iti nasao a variant iti pagilian.
Siguradoen ti secretary nga agtaltalinaed nga epektibo kontra ti baro a variant dagiti dati a bakuna kontra covid-19.
