Inallukoy ti Department of Energy (DOE) dagiti power consumer a makikaysa iti maysa nga oras a panagtiped iti kuryente a naawagan nga Oras Natin sa Efficiency (ONE) manipdo alas otso agingga alas nuebe iti rabii tunggal Sabado, manipod ita weekend.
Segun ken ni DOE Energy Utilization Management Bureau Director Patrick Aquino, paset dayta iti programa iti gobierno tapno makatulong iti posible nga epekto ti krisis iti suplay iti langis gapu iti riribok idiay Middle East.
Maibasar iti DOE, umabot iti 145 megawatts ti natiped idi Earth Hour idi March 28 a katukad iti kuryente a mabalin a mangpataray iti nasurok-kukurang maysa million a pagtaengan.
Nalakad iti DOE iti publiko nga iddepen ken i-unplug dagiti saan nga inarapat nga appliances tapno makissayan ti konsumo iti kuryente.
Mangnamnama iti ahensya a makipaset pay ti pribado a sektor ken dagiti civil organization iti nasao a linawas nga aktibidad kadagiti sumarsaruno a Domingo.
