Allukoyen ti Department of Energy (DOE) dagiti kompania iti kuryente nga agtiped iti panagaramat iti fuel ken naannad nga idauluan ti supply tapno maliklikan iti kellaat a panagpangato iti presyo ti kuryente.
Dayta ket kasaruno iti panagdeklarar ni Pres. Ferdinand Marcos Jr. ti national energy emergency gapu iti agtultuloy a panagpangina iti fuel iti world market.
Segun ken ni DOE Secretary Sharon Garin, kasapulan iti naing-inget a panangidaulo iti fuel ta mangnamnama iti pagilian iti maang-angkat a langis, coal ken liquefied natural gas (LNG).
Nabilin pay dagiti power plant nga aramaten dagiti lokal a pagalaan iti enerhiya ken coal plants tapno malapdan ti panagpangato iti presyo iti Wholesale Electricity Spot Market (WESM), a paggatangan iti kuryente dagiti supplier.
Ad-adalen pay iti kompania iti panagaramat iti alternatibo a fuel, kas iti nangat-ngato a biodiesel blends ken panaglaok iti agduduma a klase ti coal, tapno makatiped iti gastos.
