Desisyon ti Department of Foreign Affairs (DFA) nu kasapulan nga ibayog iti Alert Level 4 iti estado idiay Iran ken Israel kasaruno iti panagatake iti Amerika kadagiti Iran nuclear facilities.
Segun ken ni Department of Migrant Workers wenno DMW Secretary Hans Leo Cacdac, apaman a mangted ti go signal iti DFA nga ibayog iti alert level 4 iti estado manipod iti agdama nga Alert Level 3 ket insigida a tumulong ti DMW kadagiti Pilipino nga apektado iti rinnupak iti dua a pagilian.
Makikammayet ti DMW kadagiti embahada iti Pilipinas idiay Iran ken Israel.
Iti agdama ket nakatutok iti DMW kadagiti Pilipino a kayatna iti agawid iti Pilipinas a nag-avail iti voluntary repatriation ken nakatutok kadagiti maited a tulong apaman a makasangpetda iti pagilian.
