Nakasagana ti Department of Migrant Workers (DMW) nga irepatriate dagiti Pilipino manipod Middle East kasaruno ti pakaammo a heightened alert status gapu ti Israel-Iran conflict.
Segun ken ni Undersecretary Bernard Olalia, naka-high alert iti DMW, Migrant Workers Office ken labor attaches iti rehiyon para iti aniaman a mapasamak.
Impasiguradona a nakasaganada a tumulong ta naka-standby dagiti contingency plan nu kas bilang kasapulan.
Kinunana a sisasagana iti gobierno a mangipaay iti insigida a tulong para kadagiti Pilipino nga adda iti nasao a pagilian.
Napalagipan dagiti overseas Filipino worker ken pamiliada nga in-activate iti ahensya iti hotline da tapno makaipaayda iti tulong kadagiti maapektaran.
Umabot iti 20,000 nga OFW idiay Israel iti employed kas caregivers, kasta pay a hotel workers, agriculture workers, manufacturing workers ken dadduma pay.
