Nainget a tututokan ti Department of Migrant Workers (DMW) ti kasasaad dagiti Pilipino a naapektaran ti agtultuloy a tensyon iti border iti Thailand ken Cambodia.
Segun ken ni DMW Secretary Hans Leo Cacdac, limapulo ket innem a Pilipino idiay Cambodia ken 259 idiay Thailand ti direkta nga apektado iti gulo.
Kaaddoan kadakuada ket dagiti mangisursuro ken non-teaching personnel nga agtrabtrabaho kadagiti pagadalan nga asideg iti border iti Thailand a temporaryo a naibakwit gapu iti sitwasyon.
Kinunana a 256 a mangisursuro nga agtrabtrabaho iti Thailand border a dagitoy ket teaching ken non-teaching personnel kadagiti pagadalan iti naibakwit idinto a limapulo ket innem iti naibakwit iti Cambodian side.
Impakaammo pay ti secretary a duapulo ket dua manipod limapulo ket innem a Pilipino iti adda idiay Cambodia iti nakaituding a ma-repatriate iti pagilian inton sumaruno a lawas.
