--Ads--
Nagballaag ti Department of Migrant Workers (DMW) ti publiko kontra kadagiti peke nga overseas job offers nga agwarwaras kadagiti social media platforms, ken dadduma pay a websites nga agpammarang a lehitimo nga online job portals.
Iti nairuar nga Advisory 26 Series of 2024 ti DMW a pinirmaan ni Secretary Hans Leo Cacdac, ususaren dagiti scammer dagiti nagan, address, ken logo dagiti lehitimo a recruitment agencies tapno allilawenda dagiti agsapsapul iti trabaho.
Balakad ti ahensia dagiti Pilipino nga agsapsapul iti panggedan iti ballasiw-taaw, a makiuman laeng kadagiti lisensiado a recruitment agencies.
Segun iti DMW, tapno mapaneknekan ti legalidad ti maysa a recruitment agency, mabalin a bisitaen ti maysa ti official website ti ahensia.
-- ADVERTISEMENT --
