--Ads--
Impatangken ti Department of Migrant Workers a ti P1.4 billion land acquisition deal ti Overseas Workers Welfare Administration ket adda dagiti anomlaya ken saan a dimmalan iti husto a proseso.
Segun ken ni Migrant Workers Secretary Hans Cacdac, dagiti addang a kas ti panangala iti approval manipud OWWA Board of Trustees ket saan a naaramid.
Kangrunaan a dinakamat ni Cacdac ti saan nga husto a pannakaamyenda iti deed of sale idi September 2024, ta nayakar ti responsibilidad iti local transfer tax manipud OWWA a nagturong iti P36 million a bayad, nga awan ti pakaammo iti board.
Naduktalan ti akinkukua iti daga ti agtultuloy a panagkolekta iti abang manipud iti property, a saan nga inaprubaran ti board.
-- ADVERTISEMENT --
