Plano ti Department of Tourism (DOT) iti ad-adu a direct flights a mapan ken aggapu idiay Israel tapno maparegta ti tourist arrivals iti pagilian babaen ti pilgrimage ken adventure.
Segun ken ni DOT Secretary Christina Garcia-Frasco, ti baro a direct flight routes iti nagbaetan iti dua a pagilian ket manamnama a makaallukoy iti ad-adu nga Israeli visitors ta idiaya iti pagilian ti unique combination iti spiritual ken leisure destinations kangrunaan ti umadanin a Roman Catholic Jubilee Year inton 2025.
Bayat iti pannakitaripnongna ken ni Israeli Tourism Minister Haim Katz idiay Makati, trinatar ni Frasco ti growing potential para ti Israeli tourism iti pagilian kagiddan ti panangipaganetgetna a ti Pilipinas ket premier destination para ti pilgrimage ken adventure tourism.
Ti addag ket pakairaman ti world-renowed dive spots, nabaknang a cultural heritage ken diverse gastronomy.
Kinuna met ni Katz a nawaya dagiti Pilipino a turista a mapan iti Holy Land ken iyetnag ti weekly direct flights iti nagbaetan iti dua a pagilian tapno mapasayaat ti travel opportunities ken mapapigsa ti tourism relations.
Iti listaan ti Department of Tourism, ngimmato ti Israeli tourist arrivals ta nairekord ita a tawen iti 13,835.
