Ad-adalen ti Department of Health ti panangpalawa iti zero balance billing policy tapno mairaman dagiti direct contributor ti Philhealth a ma-admit iti pay ward wenno shared room dagiti DOH hospital.
Segun ken ni Palace Press Officer ken PCO Usec. Atty. Claire Castro, isagsaganan ni Health Secretary Teodoro Herbosa ti maysa a memorandum circular a mangibilin kadagiti amin a DOH hospital nga ipatungpal daytoy para kadagiti miembro nga otomatiko a maikkatan iti kontribusyon, agraman dagiti middle-income earner.
Paset daytoy iti pammilin ni Presidente Ferdinand Marcos Jr a siguradwen nga adda access ti kada Pilipino iti dekalidad a serbisio salun-at a saan a madagsenan iti mabayadan.
Iti agdama, sakup laeng ti zero balance billing dagiti pasyente a nakaadmit iti basic wenno ward accommodation kadagiti DOH hospital.
