Nagballaag ti Department of Foreign Affairs iti panaginget ita ti Iraqi government iti panangala kadagiti ladawan ken video iti napasamak a missile attack idiay Baghdad.
Segun iti DFA, nagballaag dagiti otoridad a madusa iti salinong ti linteg dagiti matiliwan nga aglabsing iti pagannurotan.
Immunan a nangiruar iti statement dagiti otoridad iti Iraq mainaig iti panangiparit dagiti Iraqi authorities iti panangipost kadagiti ladawan ken videos manipud iti strike site tapno masalwadan dagiti sensitibo a lokasion.
Nabalakadan met ti media nga agireport ti husto ken liklikan a maiparang iti publiko ti detalye ti operasion.
Immunan a tinarget dagiti 8 a missile ti Iran ti US diplomatic ken logistic facility iti Baghdad International Airport idi Domingo, Marso 22.
