Kinumpirmaran ti Department of Foreign Affairs (DFA) nga adda sumagmamano a Pilipino iti casualties kalpasan a naidungpar ken nagbaliktad ti maysa a tour bus idiay New York a nakatayan iti lima a tattao pakairamanan iti maysa nga ubing ken adu iti nadundunor.
Segun ti DFA, impakaammo ti New York Police a sumagmamano a casualties ket Pilipino, numan pay saan a naibaga nu kasano kaado iti nadunor wenno ania ti kasasaad dagiti naapektaran a Pilipino.
Saan pay a nagiruar dagiti otoridad iti nayon nga impormasyon nu diketdi indanondan iti pamilia dagiti biktima a naapektaran iti nasao nga insidente.
Agtultuloy iti panangmonitor iti Philippine Consulate ken nakasaganada a tulongan dagiti biktima nga agkasapulan iti assistance.
Maibasar iti pakaammo ket limapulo ket dua a turista pakairamanan ti driver iti naglugan iti bus a kaaddaoan ket saan a naka-seat belt idi napasamak ti bus crash a gappuanan ti pannaibansag dagiti dadduma a pasahero idinto a dagiti dadduma ket napandagas iti lugan.
