--Ads--
Dukduktalen pay laeng ti Department of Foreign Affairs no adda dagiti Pilipino a biktima iti napasamak a mass shooting idiay Stockton, California.
Segun iti DFA, imonmonitoren ti Philippine Consulate General idiay San Francisco dagiti report iti napasamak nga insidente.
Kabayatanna, awan pay ti impormasion mainaig iti nationality dagiti nadunor ken natay.
Immunan a naipadamag nga uppat ti natay ken sangapulo ket maysa ti nadunor iti pammaltog iti maysa a birthday party dagiti ubbing idiay Stockton idi November 29.
-- ADVERTISEMENT --
