Posible a ni deputy prosecutor Mame Mandiaye Niang iti mangidaulon ti kaso kontra ken ni dati a president Rodrigo Duterte iti tribunal kas pinasingkedan ni Atty. Kristina Conti nga assistant to counsel ti International Criminal Court (ICC).
Dayta ket kalpasan a temporaryo a bimmaba iti pwesto ti lead prosecutor a ni Karim Khan iti baet ti imbestigasyon kenkuana kontra ti sexual misconduct.
Segun ken ni Conti, husto laeng nga adda seryoso nga imbestigasyon iti alegasyon ken husto iti pangngeddeng ni Khan nga agikkat pay laeng bayat ti imbestigasyon.
Ni Conti ti abogado dagiti pamilia dagiti biktima ti war on drugs ni Duterte, a naakusaran ti crimes against humanity ken nakabalud ita idiay International Criminal Court idiay The Hague, Netherlands.
