Pinasingkedan ni Department of Education Undersecretary for Governance and Operations Malcolm Garma nga adda laeng tallo iti tunggal sangapulo a pampubliko a pagadalan iti pagilian iti adda security guard-na.
Segun ken ni Garma bayat iti panagdenggeg ti Senate committee on basic education nga idadauluan ni Sen. Bam Aquino, 31.7% wenno 15,328 laeng a pagadalan iti adda guard-na.
Kinuna ni Garma a ti pondo para iti security personnel ket maal-ala iti Maintenance and Other Operating Expenses iti DepEd kasta payen manipod local government units wenno parent-teacher association.
No maipanggep iti pammaltog idiay Tacloban ket kinuna ni Garma a dua a security guard iti agmanmando iti gate kadagiti pagadalan idi napasamak iti insidente.
Kabayatanna, kinuna ti DepEd nga uppat manipod sangapulo a pagadalan laeng iti adda closed-circuit television (CCTV) cameras-na.
