Impakaammo ti Department of Education ti balligi panagkissay iti paperwork’s dagiti mangisursuro iti intero a pagilian.
Segun ken ni Education Secretary Sonny Angara, umabot iti 57% ti naikissay iti paperworks dagiti mangisursuro wenno dagiti panag-proseso dagiti dokumento, ken office works.
Agtultuloy ti panag-hire ti DepEd dagiti non-teaching personnel tapno isuda ti mangaramid dagiti paperworks.
Pakairaman daytoy ti agingga 5, 000 nga Administrative Officers ken Project Development Officers a mabilin a mangaramid ti non-teaching works a nabayag a parikut dagiti mangisursuro.
Segun ken ni Angara, target ti ahensia a protektaran ti teaching time ken bay-an dagiti mangisursuro nga agisuro kadagiti pagadalan imbes nga ad-adu pay nga oras ti mapan iti paperworks.
