Target ti House Committee on Justice a trataren ti impeachment complaint kontra ken ni Pres. Ferdinand Marcos Jr. inton February 2 agingga February 4, 2026.
Segun ken ni House Committee on Justice Chairperson Rep. Gerville “Jinky Bitrics” Luistro, kasapulan nga i-consolidate dagiti impeachment complaints a maipasa iti komite kasaruno ti pagannurotan ken proseso iti Kamara.
Kinuna ni Luistro a ti konsolidasyon ket maisayangkat iti umuna a panagdenggeg iti komite ken preregatibo dayta iti Justice Committee, saan a dagiti agrekreklamo.
Kinunana a no naka-consolidate-n ket maibilang dagiti reklamo a maymaysa a kaso ken aggi-giddan a matratar.
Pinasingkedan ni Luistro kadagiti immuna a panagdenggeg a nakatutokda iti panangbigbig ti sufficiency inform ken substance dagiti reklamo.
No kasapulan ket mangituding pay iti nayon a panagdenggeg kadagiti sumarsaruno a lawas.
Innayonna iti immuna a panagdenggeg ket manamnama nga agipila ti sponsorship speeches dagiti sponsor iti impeachment complaints sakbay a marugian iti pormal a panagadal.
Impaganetget ni Luistro nga adda 60 session days iti komite kas maibasar iti impeachment rules iti Kamara tapno agipasa iti report, isu a saan a mabalin a padarasen iti proseso.
