Kinasuan ti US federal grand jury idiay Florida ti dati a chairman ti Commission on Elections (Comelec) gapu iti mapapati a panagawatna iti pasuksok manipud iti maysa a kompania a nangipaay iti voting machines para iti 2016 elections ditoy pagilian.
Segun ti US Justice Department, ni Andres “Andy” Bautista, ket sumango iti kaso a money laundering ken tallo a kaso ti international laundering kadagiti monetary instruments.
Nakasuan pay ti tallo nga executives ti kompania ti voting machine gapu iti akemda iti mapapati a bribery ken money laundering scheme para ti negosio nga adda pakainaiganna iti 2016 Philippine elections.
Saan a binigbig ti Justice Department ti kompania ngem maysa kadagiti tallo a napilaan ti kaso nga executives ket ni Roger Alejandro Pinate Martinez, taga-Venezuela ken residente ti Florida a co-founder iti Smartmatic.
