Masapul a dagus a mapilaan ti forfeiture case dagiti karaman iti flood control project controversy ken saan nga urayen dagituy a boluntario nga isubli ti tinakaw da a baknang.
Pinasingkedan ni House Deputy Minority Leader ken Akbayan party-list Rep. Chel Diokno a masapul a siguradoen ti gobierno a maala ti natakaw a pondo ti pagilian.
Inlawlawag ti agpampanday linteg nga iti salinong ti Civil Forfeiture law (Republic Act 1379), ti Office of the Solicitor General ket mabalin nga agipila ti civil forfeiture case a saan a kasapulan nga urayen ti panagipila wenno agbalin a resulta ti criminal case.
Pinasingkedan ni Diokno a napateg a masigurado ti petition para iti forfeiture ti unexplained wealth para kadagiti karaman iti flood control controversy.
