Pinasingkedan ni Senate President Sherwin Gatchalian nga awan ti aniaman nga epekto iti agtuloytuloy nga impeachment trial ni Vice Prsident Sara Duterte iti Senate Impeachment Court ti kaso grave threats a sangsangoen na iti Quezon City Regional Trial Court.
Segun ken ni Gatchalian, agsina dagiti dua a proseso gapu ta ti RTC ti mangig-iggem iti criminal case, idinto a ti Senado ka impeachment court a mangtratar iti impeachment case kontra iti bise presidente.
Impaganetget ti senador a ti panang-determina ti Quezon City court nga adda probable cause kontra ken ni Duterte ket saana kayat a sawen a napakenekan nga adda basol ni VP Sara wenno adda pinal a decision ti korte.
Kabayatanna, nagpanawagan ni Gatchalian iti pulisia a seryoso nga imbestigaran ti statement ni Duterte nga agbutbuteng isuna para iti biag-na.
Innayon ti Senate President a masapol a makarikna amin ti seguridad, pakairamanan ti bise presidente.
