Patien dagiti dadduma a senador a posible nga inaramat ti dadduma a district engineers ti Department of Public Works and Highways ti nagan ti Wawao Builders para iti dadduma a flood control projects kangrunaan iti probinsia iti Bulacan.
Segun ken ni Senador JV Ejercito, kasapulan pay a rumuar iti pudno a modus nga impatungpal dagiti district engineer pakairamanan ti posibilidad a panagaramat ti lisensia iti sumagmamano a kompania bayat iti panagaramidda kadagiti proyekto.
Patien ni Sen. Juan Miguel Zubiri a posible a front laeng ti Wawao Builders dagiti pudno a karaman iti irregularidad ta awan pulos iti maibaga ti akin-kukua a ni Mark Allan Arevalo bayat ti Senate Blue Ribbon Committee.
Kabayatanna, Imbutaktak ni Sen. Panfilo Lacson a dua nga opisyal iti DPWH idiay Bulacan ti naibilang a big-time gamblers.
Maysa kadakuada ket nakapaabak iti P300 million iti casino idinto a maysa iti nasursurok pay.
