--Ads--
VIGAN CITY – Pinasingkedan ti Department of Agriculture a kurang ti suplay ti karne ti baboy ditoy Luzon ita nga umadanin ti holiday season.
Iti pannaki-uman ti Bombo Radyo Vigan ken ni Sec. William Dar, kangrunaan a naapektaran ti Central Luzon ken CALABARZON iti agraraira a sakit ti baboy nga African Swine Fever kalaksidan laeng dagiti sabali pay a rehion.
Gapu ti dayta, impamuspusanda ti nagangkat kadagiti baboy idiay Mindanao ken Visayas ta isuda ti aglaplapusanan ti suplay tapno masupusupan ti agkurkurang a suplay isu nga umad-adu itan dagiti agsangsangpet a hog ken pork products idiay Metro Manila nga isu ti mailako iti merkado.
Kabayatanna, impasigurado ti opisial a makanay ti suplay ti manok, itlog ken ikan ditoy pagilian.
-- ADVERTISEMENT --
