Na-cite in contempt ti contractor a ni Curlee Discaya kalpasan a maduktalan nga agul-ulbod gapu iti saan nga idadar-ay ti asawana a ni Sarah Discaya iti agtultuloy nga imbestigasion ti Senate Blue Ribbon Committee mainaig iti anomalya ti flood control project.
Immuna a kinuna ni Curlee a saan a nakadar-ay ni Sarah gapu iti heart condition, ngem iti impasa a surat ti asawana iti komite, kunana a saan a nakadar-ay gapu iti naituding a taripnong kadua dagiti staff-na.
Gapu dayta, nakapungtot dagiti senador agraman da Sen. Kiko Pangilinan, Erwin Tulfo, ken Sen. Jinggoy Estrada gapu iti sango-sango a panagulbod ni Curlee.
Uray no nagpadispensar ni Curlee, saan nga inawat daytoy dagiti senador, ket impa-cite in contempt-da.
Ni met Sarah ket maikkan pay iti show cause order tapno agpalawag no apay a saan a nasken nga i-contempt ti Senado kas paset ti due process.
