VIGAN CITY – Pinasingkedan ni Governor Rryan Singson a kaaduan a baro a kaso iti covid-19 ket dagiti Authorized Persons Outside Residence wenno APOR nga isu iti monmonitoren ti provincial government.
Iti pannaki-uman iti Bombo Radyo Vigan ken ni Gov. Singson, araramidenda aminen nga addang tapno apaman a makasangpetda iti probinsia ket ma-isolate da nga insigida kangrunaan no aggapoda iti high risk area tapno maliklikan iti panagado iti kaso.
Inaminna nga agtultuloy latta iti local transmission iti covid-19 isu a nainget iti maipapatungpal a health protocols tapno malapdan iti surge
Nupay kasta ket namnamaenna a bumassit pay iti kaso ta manipod limapulo ket innem nga aktibo a kaso idi Mierkules ket tallopulo ket innem laengen iti active covid-19 case iti probinsia.
