VIGAN CITY – Manarimaanen ti contact tracing nga isaysayangkat dagiti opisial iti ili ti San Emilio agsipud ta adda ti maysan a person under investigation iti COVID-19 iti nasao a lugar.
Segun ken ni Mayor Joey Bragado, idi damo ket person under monitoring ti pasyente ngem kalpasan ti sumagmamano nga aldaw ket narigatan nga umanges, namaga iti panaguyek na ken naggagatel iti karabukob na.
Malaksid kadagiti nasao a sintomas, ti pasyente ket adda travel history idiay Baay- Licuan ken Bangued ta napan nakiminatay.
Idi March 19, napan idiay Municipal Rural Health Unit ti pasyente ta napan na inpacheck-up idi dagiti dua a putotna.
Mamati ni Bragado a saan da unay a marigatan iti contact tracing agsipud ta adda ti master list da kadagiti nakagiddan ti pasyente a napan idiay RHU.
