--Ads--
Nagkedked ti Commission on Elections nga agkomento iti atap ni Vice President Sara Duterte nga adda panagswitikan iti midterm elections ta kunana nga adda nakapatangna nga IT expert a nangibaga a saan a husto dagiti numero a rimuar iti resulta ti eleksyon.
Segun ken ni VP Sara, adda pay tallo a miembro ti PDP-Laban ti nangabak iti kinasenador nga isu da Atty. Jayvee Hinlo, Jimmy Bondoc, ken Richard Mata.
Para ken ni Comelec Chairman George Erwin Garcia, nawaya ti asino man a mangidatag iti opinyonna kas paset iti demokrasya isu a respetarenda ti sinarita ti bise presidente.
Iti naglabas nga eleksyon, dagiti laeng re-electionist a da Sen. Bong Go ken Bato Dela Rosa ti nakastrek a miembro ti partido.
-- ADVERTISEMENT --
