Impaganetget ti Commission on Elections nga awan ti napasamak a panagnayon wenno panagkissay iti agtultuloy a binnilangan dagiti botos ita a 2025 midterm elections.
Inlawlawag ni Comelec Chairman George Erwin Garcia, saan a nadalusan ti program ti dadduma nga entity agraman ti media isu a nadoble ti bilang manipud kadagiti presinto.
Inlawlawag ni Garcia a real time ti inruar a bilang ti Comelec a makita iti website ken saanda a nangiruar iti ranking.
Ar-aramiden ti ahensia iti panangiruar kadagiti botos kas paset iti panagbalin a transparent ti komisyon tapno insigida a maamuan ti publiko.
Malaksid dayta, nailawlawag pay a no ania ti naipatulod iti kada presidente kalpasan ti panagbotosan, ket automatic nga agbalin a human-readable data wenno mabasa nga insigida dagiti resulta.
