--Ads--
Pinasingkedan ti Commission on Elections a saanda a nakaawat iti ania man a kiddaw manipud iti kampo ni dati a Presidente Rodrigo Duterte, a nakaibalud idiay The Hague sipud idi Marso bayat a mayur-uray ti pannakadengngeg ti kasona a crimes against humanity, a ti gagemna ket makabotos para iti overseas absentee voting.
Segun ken VP Sara Duterte, saan a pinalubosan ti Comelec ti kiddaw manipud iti kampo ti amana.
Ti dati a presidente ket nakemmeg idi Marso 11 babaen iti International Criminal Court gapu iti kaso a crimes against humanity mainaig iti war on drugs ti administrasyonna a nakatayan ti rinibo a suspek idi 2016-2022.
Ni Duterte ket isu ti limmaban a mayor idiay Davao City, kinalabanna ni dati a Cabinet Secretary Karlo Nograles.
-- ADVERTISEMENT --
