Nagipila manen ti mosyon iti kampo ni Senador Bato dela Rosa iti Korte Suprema tapno allukoyen ti korte a mangiruar ti Temporary Restraining Order (TRO) kontra iti implementasyon ti warrant of arrest manipod International Criminal Court (ICC).
Iti online post ni Atty. Israelito Torreon nga abogado ni Dela Rosa, nagipilada ti “Very Urgent Manifestation of Supervising Events with Reiterative Prayer” tapno ipanawagan ti TRO maipanggep iti immunan a petisyon.
Idi May 13 ket nanngiruar ti resolusyon ti Korte Suprema nga agkomento iti gobierno ti Pilipinas iti uneg iti pitopulo ket dua nga oras maipanggep kadagiti petisyon ni Dela Rosa.
Naibaga pay iti mosyon ti probisyon a “without prejudice” a mangmangted iti dalan ti korte a mangipatungpal iti insigida nga addang no kasapulan.
Indanon pay ni dela Rosa iti korte dagiti “supervening events” iti Senado a mangipakpakita iti insigida a pagkasapulan ti TRO, status quo ante order, ken dadduma pay nga injunctive reliefs tapno lapdan ti ICC warrant of arrest.
