Pinasingkedan ti Commission on Elections a manamnama a mairuar inton Mierkoles ti decision iti kaso ni Senador Rodante Marcoleta mainaig iti Statement of Contributions and Expenditures-na para iti 2025 elections.
Immunan a pinasingkedan ni Garcia a nasken a mairuaren ti decision, ngem naaddaan iti komplikasion kalpasan nga in-refer ti Office of the Ombudsman ti mainaig iti reklamo iti isu met laeng a pammabasul.
Maibasar iti SOCE ni Marcoleta, gimmasto isuna iti P139.9 million iti kampania iti senatoria elections idi 2025, nangatngato no ikumpara iti naideklarar nga Statement of Assets, Liabilities, and Net Worth a nasurok P51.9 million, ken awan ti naideklarar a donasyon.
Maipalagip nga inamin idi ni Marcoleta a saannan nga ideklarar dagiti kontribusyon a naawatna iti nasao nga eleksion iti SOCE kalpasan ti mapapati a panangkiddaw dagiti donor iti anonymity.
