Impasigurado ti Commission on Elections a sangagasut a porsiento a nakasagana da para iti kaunaan a Bangsamoro Autonomus Region in Muslim Mindanao Parliamentary Elections a mapasamak ita nga alda, Setyembre 14.
Segun ken ni Comelec Chairman George Garcia, nalpasen ti final testing ken sealing ti automated counting machines (ACMs) idiay Cotabato City.
Inallukoy na dagiti botante nga i-shade ti oval iti balota ken saan nga ikkan ti “X” wenno tuldok tapno mabasa a nasayaat ti makina.
Masapul ti saan a bumaba iti 25% a shading iti oval.
Kabayatanna, nagpanawagan ni Garcia kadagiti nagpaydasig a pagtalinaeden ti kappia bayat ti eleksion ken inallukoy na ti publiko nga agbalin a nasipot sakbay, kabayatan ken kalpasan ti eleksion.
Umabot iti 80 a parliaments a paglalabanan iti BARMM elections, idinto nga adda iti nasurok 2 a milyon a rehistrado a botante iti rehiyon.
