Nasurok 10, 000 a suldado ti mai-deploy iti Bangsamoro Autonomous Region in Muslim Mindanao (BARMM) kas paset iti panang-painget ti seguridad para iti parliamentary elections inton Setiembre 14.
Segun iti Armed Forces of the Philippines (AFP), umabot iti 10,031 a military personnel ti naka-deploy iti agduduma nga election areas iti rehiyon.
Inlanad ni Philippine Army chief Lt. Gen. Donald Gumiran ti security preparations ti militar iti Regional Security Conference kadua ti Commission on Elections (Comelec) ken Philippine National Police (PNP) idiay Maguindanao del Norte.
Karaman iti augmentation forces dagiti unit manipud iti 28th Infantry Battalion, 1st Scout Ranger Battalion, 1st Brigade Combat Team, Civil Military Operations Regiment ken 75th Infantry Battalion.
Immunan a pinalubosan ni Presidente Ferdinand Marcos Jr. iti salinong ti Memorandum Order No. 48 ti deputation ti AFP, PNP ken dadduma pay nga ahensia ti gobierno tapno tumulong iti Comelec a mangisgurado ti na-kappia ken nasayaat nga eleksion.
