Maisayangkat itatta nga aldaw idiay Camp Crame iti closed door meeting ti Commission on Election ken dagiti power producers ken distributors inaig iti umadanin nga eleksyon inton Mayo.
Segun ken ni Comelec spokesman James Jimenez iti eksklusibo nga interview ti Bombo Radyo Vigan kenkuana, closed door meeting pay laeng iti maisayangkat ta posible nga adda dagiti maibaga dagiti kataripnong da a paset iti security measure a saan a mabalin a maamuan iti publiko tapnu saan a maapektaran iti panagsagana para ti panagpipili.
Ti laeng kangrunaan a kayat a maamuan ti Comelec iti nasao a taripnong ket nu kasanu kasagana dagiti power producers ken distributors inton May 13 nu ti suplay ti kuryente iti pagpapatangan, kasta payen nu anya dagiti nakasagana nga aramiden da nu bilang adda ti emergency a mapasamak ken nu anya ti tulong a namnamaen ti poll body kadakuada para iti balligi a midterm election itatta a tawen.
