Pinasingkedan ni Palace Press Officer Atty. Claire Castro a nasken a saan nga agbalin nga arsagid dagiti supporter ni dati a Presidente Rodrigo Duterte iti ‘jet ski’ joke ti komedyante a ni Vice Ganda iti concert-na idi napan a lawas.
Segun ken ni Castro, pudno met a saan a sineryoso ti dati a presidente ti dinakamatna idi a mapan iti West Philippine Sea nga aglugan iti jet ski.
Innayon ni Castro a saan a nasken a masuron ti kampo ti dati a presidente ta ti jet ski joke ni Vice Ganda ket paglinglingayan laeng idinto a ti dati nga administrasyon no nagkamali ket ibaga ti pannakangiwatna nga agang-angaw laeng.
Binalakadan ti opisial dagiti supporter ti presidente a no saanda a kayat ti angaw ti komedyante ket saanda a buyaen tapno saanda a mapasaktan.
